Bu gün Bakı Şəhər Dövlət Yol Polis İdarəsinin bölmə rəisi, polis  polkovniki Vaqif Əsədovun adından karantin rejimini pozan küçəyə çıxan sürücülərin cərimə olunması barədə məlumat yayılıb. İddia olunur ki, sürücülər bu günlər ərzində avtomobillə hərəkətdə olarkən onlara kameralarla vasitəsilə elektron protokollar tərtib olunacaq. Amma sonradan həm yol polisi, həm də Daxili İşlər Nazirliyi bu məsələyə aydınlıq gətirdi. Bildirildi ki, əslində burda cərimələnmədən söhbət getmir. Sadəcə olaraq yol polisi sürücüləri məsuliyyətli olmağa çağırır .
Yol hərəkəti üzrə ekspert Elməddin Muradlı bildirib ki, yol polisinin bu açıqlaması, sürücülərin kütləvi şəkildə cərimələnməsi düz deyil. "Çünki burada söhbət sırf maarifləndirmə və təbliğat  işindən gedir. Yol polisinin sonrakı açıqlamasından da başa düşdük ki, cərimələnməkdən söhbət getmir çünki bu gün elə bir texnologiya yoxdur ki, sürücünün evdən niyə çıxdığını mueyyənləşdirsin  və ona elektron protokol tərtib edilsin.  O baxımdan ümid edirik informasiyanın yayılmasından yanlışlığa yol verilib. Əslində burda cərimələnməkdən söhbət getmir. Karantin rejiminin pozulmasına görə inzibati məsuliyyət nəzərdən tutulub.  Bu kiminsə maşınla evdən çıxmasına görə cərimə olunması deyil. Karantin rejiminin pozulmasına görə o sürücü cərimə oluna bilər ki, postlardan qanunsuz olaraq keçməyə çalışır, avtomobilin baqajından sərnişinləri keçirtməyə cəhd edir."
Xatırladaq ki, Daxili İşlər Nazirliyinin rəsmisi Ehsan Zahidov da xəbəri təkzib edib.

Gültən