Azərbaycanda daha bir qaçırılmış avtomobil yol polisi tərəfindən aşkarlanaraq sahibinə qaytarılıb. Avtosfer.az xəbər verir ki, avqustun 25-də 10 DB 240 dövlət nömrə nişanlı, VAZ 2109 markalı avtomobilin qaçırılması barədə məlumat daxil olub. Araşdırma zamanı məlum olub ki, Masallı rayonundan oğurlanan avtomobil Bakı istiqamətində hərəkət edir. Baş Dövlət Yol Polisi İdarəsinin, Yol Patrul Xidməti Alayının 6-cı tağımının baş inspektoru, komandir əvəzi, polis kapitanı Namiq Əzizovun rəhbərliyi və YPX baş inspektoru Bakir Həsənov, polis kapitanı Elçin Orucov və polis serjantı Məhəmməd Şeyxovun daxil olduğu əməliyyat qrupu avtomobili saxlamağa müvəffəq olub. Avtomobilin sürücüsü Zaur Fətullayev və avtomobildə olan 4 sərnişin saxlanılaraq Qaradağ rayon 38-ci polis bölməsinə təhvil verilib.

Orxan