Nizami rayon Dövlət Yol Polisi Şöbəsinin əməkdaşları paytaxtın Heydər Əliyev prospektində avtomobilini şübhəli şəkildə idarə edən iki sürücünü saxlayıb.  Avtosfer.az xəbər verir ki, saxlanma zamanı sürücülərin narkotik vasitə olan “patı”dan istifadə etdikləri məlum olub. Heydər Əliyev prospekti ilə “Koroğlu” metrostansiyası istiqamətində irəliləyən “BMW” markalı, 99 XX 534 dövlət nömrə nişanlı avtomobilin sürücüsü Əliyev Araz Adil oğlu və “Ford Transit” markalı 99-US-246 dövlət nömrə nişanlı avtomobilin sürücüsü Sultanov Əfqan Bəhram oğlu barəsində  İnzibati  Xətalar Məcəlləsinin 333.1 maddəsiylə - nəqliyyat vasitəsini idarə etmək hüququ olan şəxs tərəfindən nəqliyyat vasitəsinin alkoqoldan, narkotik vasitələrdən, prixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə protokol tərtib olunub.

İş baxılması üçün aidiyyatı üzrə Nizami rayon Məhkəməsinə göndərilib.

Nərminə Əli