Salyan rayon Polis Şöbəsinin Dövlət Yol Polisi Bölməsinin əməkdaşları rayon ərazisində piyadalarla profilaktik tədbirləri daha da gücləndirib. Avtosfer.az xəbər verir ki, Salyan şəhərinin müxtəlif küçə və prospektlərində keçirilən reydlər zamanı yol hərəkəti qaydalarına riayət etməyən və piyadalar üçün nəzərdə tutulan nizamlayıcı keçidlərdən keçməyən piyadalar saxlanılıb.

Qayda pozan piyadalar barəsində protokollar tərtib olunub, onlar inzibati qaydada cərimələnib.

Bu dəfə keçirilən reydlər zamanı isə 30-a yaxın piyada inzibati qaydada cərimələnərək bir daha diqqətli olmaları onlara tövsiyə edilib.

Qeyd edək ki, belə reydlərin keçirilməsi daim diqqət mərkəzində saxlanılır.