“Ötən ilin müvafiq dövrü ilə müqayisədə 77 yol nəqliyyat hadisəsi, 7 ölüm, 102 xəsarət sayı azalıb və xəsarət dərəcələri yüngülləşib.”

Bunu Avtosfer.az-a açıqlamasında Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov deyib. O, bildirib ki, 2020-ci il Bakı şəhəri üzrə Dövlət Yol Polisi əməkdaşlarının məqsədli, ardıcıl keçirtikləri tədbirlərin və təbliğatın nəticəsində 2020-ci ildə baş vermiş yol nəqliyyat hadisələri 2019-cu illə müqayisədə 15.8%, ölüm sayı 4.2%, xəsarət sayı isə 23.3% azalıb.