Xəbər veridiyimiz kimi, bütün ölkə ərazisində şənbə və bazar günləri ictimai nəqliyyatında fəaliyyətinə tətbiq olunan məhdudiyyət 2021-ci il 31 yanvar saat 06:00-dək uzadılır.
Şəki DYP- nin təbliğat və təşviqat üzrə inspektoru,Tural Niftalıyev  Avtosfer.az- bildirib ki, koronavirus (COVID-19) infeksiyasının yayılma sürətinin azaldılması, eləcə də onun törədə biləcəyi fəsadların minumuma endirilməsi məqsədilə Şəki Şəhər-Rayon Polis Şöbəsinin Dövlət Yol Polis Bölməsi tərəfindən müəyyən işlər görülür. Kütləvi informasiya vasitələrinin köməyindən istifadə etməklə, mütəmadi olaraq hərəkət iştirakçılarının maarifləndirilməsi təmin edilir. Epidemiya əleyhinə rejimin, sanitariya-gigiyena və karantin rejimlərinin pozulması hallarının qarşısının alınması istiqamətində görülən bütün tədbirlər insanların həyat və sağlamlıqlarının qorunmasına xidmət edir. Odur ki, qaydalara əməl etməyinizi tövsiyyə edirik.

Qeyd edək ki, Azərbaycan Respublikası Nazirlər Kabinetinin 2020-ci il 08 dekabr tarixli qərarına əsasən ölkə ərazisində xüsusi karantin rejiminin müddəti 2021-ci il 31 yanvar saat 06:00-dək uzadılıb.
2020-ci il 14 dekabr saat 00:00-dan 2021-ci il 18 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, habelə Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərinə (kənd və qəsəbələr istisna olmaqla) giriş-çıxış dayandırılıb.
Azərbaycan Respublikası Nazirlər Kabinetinin qərarı əsasında müəyyən edilən siyahı üzrə müvafiq qurumlarda çalışan şəxslər xidməti vəsiqə əsasında, eyni zamanda, qərarla müəyyən edilmiş digər təşkilatların və qurumların işçiləri onlar barədə məlumatlar işəgötürən tərəfindən elektron imzadan istifadə etməklə “icaze.e-gov.az” portalına daxil edildikdən sonra, bütün digər şəxslərin yaşayış yerini və olduğu yeri tərk etmələrinə SMS-icazə sistemi və ya Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin “102” Xidməti-Zəng Mərkəzi vasitəsi ilə icazə verilir.