Gənclərin İnkişaf və Karyera Mərkəzinin Biləsuvar nümayəndəliyi könüllüləri tərəfindən həyata keçirilən “Səyyah Kitab” layihəsinə Rayon Polis Şöbəsinin əməkdaşları da qoşulublar.

Onlar  layihəyə dəstək olmaq məqsədi ilə, Azərbaycan və dünya ədəbiyyatının görkəmli nümayəndələrinin kitablarını könüllülələrə hədiyyə ediblər.  

Layihə çərçivəsində 16.09.2020 - ci il və 18.09.2020 - ci il tarixlərində açıq havada  təşkil olunan qiraət saatlarında həmkarlarımızın iştirakı gənclərlə yanaşı, rayon ictimaiyyəti tərəfindən də maraqla qarşılanıb.

Gənclərin İnkişaf və Karyera Mərkəzinin Biləsuvar nümayəndəliyinin rəhbəri Səbinə Hüseynzadə bildirib ki, təşəbbüsün məqsədi gənclər arasında kitabı sevdirmək, mütailəni təbliğ etməkdir. Bu məqsədlə, yeni kitablar alınmaqla yanaşı, ianə olaraq bədii kitablar da toplanır, rayonun mərkəzində və kəndlərdə açıq havada oxu günləri təşkil olunur.  

S.Hüseynzadə onu  da diqqətimizə çatdırdı ki, qiraət saatlarında rayon əhalisi, xüsusilə gənclər kitablarla tanış olur, karantin şərtlərinə riayət etməklə istədikləri kitabı seçir və mütaliə edirlər.

Fidan