Telekommunikasiya Qovşağının əməkdaşı telefon dirəyindən yıxılaraq ağır xəsarət alıb.
Sfera.az-ın məlumatına görə, hadisə Qax rayonunun Ağyazı kəndində baş verib.
Sözügedən kəndin sakini, 1994-cü il təvəllüdlü Mahmudov Telman Məhəmməd oğlu telefon dirəyində təmir işləri aparan zaman yıxılıb.
Hadisə zamanı müxtəlif dərəcəli bədən xəsarətləri alan Telman Mahmudov Qax Rayon Mərkəzi Xəstəxanasının reanimasiya şöbəsinə yerləşdirilib, vəziyyətinin orta-ağır olduğu bildirilir.
Faktla bağlı araşdırma aparılır./Qafqazinfo/