“Formula-1” üzrə Azərbaycan Qran-prisində üçüncü sərbəst yürüş başa çatıb.

Avtosfer.az xəbər verir ki, 1 saat davam edən son məşqdə yenə ən yaxşı nəticəni Serxio Peres göstərib.  “Red Bull” komandasının pilotu dövrəni 1 dəqiqə 43,170 saniyəlik göstərici ilə başa vurub. Onu dünənki ikinci sərbəst yürüşün qalibi Şarl Lekler (“Ferrari”) və “Red Bull”un digər pilotu Maks Ferstappen izləyib.

Qeyd edək ki, saat 18:00-da pilotlar sıralama turuna çıxacaqlar.