ABŞ prezidenti Co Bayden Cənubi Koreyanın paytaxtı Seulda Cənubi Koreyanın avtomobil şirkəti “Hyundai”nin İdarə Heyətinin sədri Euisun Chung ilə görüşüb.

Avtosfer.az CNN-ə istinadən bildirir ki, “Hyundai”nin rəhbəri görüşdən sonra verdiyi açıqlamada, ABŞ şirkətləri ilə qabaqcıl texnologiya sahəsində əməkdaşlığı gücləndirəcəklərini deyib. O, 2025-ci ilə qədər ABŞ-a daha 5 milyard dollar sərmayə qoymağa qərar verdiyini bildirilib.  Qeyd edək ki, keçən il “Hyundai” 2025-ci ilə qədər ABŞ-a cəmi 7,4 milyard dollar sərmayə qoymağa qərar verdiyini açıqlamışdı. Bu gün açıqlanan yeni qərarla ABŞ-a ümumi investisiya dəyəri 10 milyard dolları keçib. “Hyundai” ötən cümə günü də elan etdi ki, elektrik avtomobili və akkumulyator qurğularının tikintisi üçün Gürcüstana 5,5 milyard dollar sərmayə qoymağı planlaşdırır.