Zərdab rayonu, Bəyimli qəsəbəsinin yolları bərbad vəziyyətdədir.  

Avtosfer.az-ın məlumatına görə, çala-çuxurlu yollar gediş-gəlişi xeyli çətinləşdirir.  Yoldan istifadə edən sürücülər avtomobillərinin tez-tez sıradan çıxdığını deyirlər. Bu isə onları əlavə xərcə salır. Avtomobil Yolları Dövlət Agentliyinin mətbuat katibi Anar Nəcəfli bildirib ki, qəsəbəyə gedən yol dövlət proqramına salınıb və vəsait ayrılan kimi işlərə başlanılacaq.