Bakı Şəhər İcra Hakimiyyətindən göndərilən 30 ton humanitar yardım artıq Kiyevə yola düşüb. 

Bizim.Media xəbər verir ki, Ukraynanın Azərbaycandakı səfiri səfiri Vladislav Kanevski bu barədə “Facebook” səhifəsində yazıb. 

“Qardaş şəhərdən humanitar yardım - söz ilə deyil, əməl ilə verilən dəstəkdir. Təşəkkürlər, Bakı!”, - deyə səfir əlavə edib. 

Xatırladaq ki, son günlərdə Ukraynada baş verən hadisələrlə bağlı hərbi əməliyyatlar nəticəsində əziyyət çəkən insanlara kömək məqsədi ilə Bakı şəhər və paytaxt rayonlarının icra hakimiyyətləri, eləcə də şəhər sakinləri tərəfindən toplanılan 30 tondan çox ərzaq və digər zəruri mallardan ibarət humanitar yardım Bakı şəhəri ilə qardaşlaşmış Kiyev şəhərinin sakinlərinə göndərilib.