Mütəxəssislər koronavirusun normal şərtlərdə bədəndə 2 həftə
müddətinə qaldığını,
ötürücülüyün isə 1 həftə müdddətində
keçərli olduğunu bildirirlər. Buna görə
də karantin müddəti ölkəmizdə də bir həftəyədək azaldıldı.
Lakin bəzi mütəxəssislər müəyyən səbəblərdən virusun
orqanizmdə daha çox qala biləcəyini iddia edir.
Maraqlıdır, virus hansı şəxslərin bədənində daha uzun müddət
yaşaya bilər?
Mövzu ilə bağlı Sfera.az-a danışan həkim infeksionist
Nicat Əzimli koronavirusun orqanizmdə 2 həftədən çox qala bilməsinin və xəstəliyin
uzun müddət davam edə biləcəyinin doğruluğunu təsdiqləyib. Mütəxəssis buna səbəb olan amildən danışıb:
"Limfositlərin, xüsusilə
T limfositlərinin azalması koronavirus xəstəliyində
görülən əsas dəyişikliklərdəndir. Hansı ki, bu HIV
infeksiyasında da rast gələn
durumlardan
biridir. Nəzərə
almaq lazımdır ki, bu hüceyrələr xəstəliklə mübarizə aparan əsas müdafiə sistemlərindən biridir.
Beləliklə, limfa sistemi ilə
bağlı əvvəldən olma bir xəstəlik
halı orqanizmin koronavirusa qarşı
müqavimətinin zəif
olması deməkdir. Bu isə öz
növbəsində
xəstəliyin ömrünün
uzanmasına gətirib çıxara bilər”.
Əzizə Zeynal