Yaponiyaya yaxınlaşan 3700 sərnişinlik "Diamond Princess” kruiz gəmisi koronavirus səbəbindən karantinə alınıb.

Bu barədə "Haber7” xəbər yayıb.

Bildirilir ki, gəmidə 80 yaşlı sərnişində qorxulu virus aşkarlanıb. 

Yokohama limanına lövbər atan gəmiyə çoxlu sayda tibb işçisi göndərilib. Sərnişinlərə isə kayutlarında qalmaları barədə göstəriş verilib.

Xatırladaq ki, bundan əvvəl İtaliyada 6000 sərnişinlik "Costa Crociere” kruiz gəmisində koronavirus səbəbindən karantin elan olunmuşdu. (oxu.az)