Cənubi Afrika Respublikasında 23 yaşlı qadın sosial şəbəkə vasitəsilə öz körpəsini satıb. Bir həftə sonra o, darıxdığını əsas gətirərək uşağı geri qaytarmaq qərarına gəlib. 

Sfera.az bildirir ki, qadın törətdiyi əməllərə görə qanun qarşısında cavab verəcək. O, uşaq alverində ittiham olunur. Alıcının kimliyi hələ müəyyən edilməyib.

Jurnalistlər qeyd edir ki, qadın sosial şəbəkə vasitəsilə oğlunu satışa çıxarıb. Bir alıcı onu tapıb və məbləğdə razılığa gəliblər, ana oğlunu təhvil verib.

Yeddi gündən sonra o, körpə üçün darıxaraq fikrini dəyişib. Lakin alıcı körpəni geri qaytarmaq fikrində olmayıb.

"Etdiyim hər şeydən peşmanam. Bunu çarəsizlikdən etdim"-deyə gənc ana bildirib.

Xanımın 25 yaşlı tanışı uşağın atası olduğunu qeyd edib. O, qadının körpəni satdığından şübhələnib.

"Uşaq dünyaya gələndə ona baxmağa pulu yox idi. Körpəni ailəsinə göndərdi".

Polis nümayəndələrinin sözlərinə görə, hazırda uşaq alveri ilə bağlı cinayət işi başlanıb. Prokurorluq qeyd edib ki, alıcı uşağı almaq üçün pul ödəməyib, ona görə də onu izləmək mümkün deyil.

Aynil