Anbar qapısı kimi istifadə edilən Bouchardon büstü minimum 3,2 milyon ABŞ dollarına satıla bilər.

Sfera.az bildirir ki, heykəl cəmi 6 dollara alınıb və qapıları bərkitmək üçün istifadə olunub. Sonradan qiymətləndirilib və baha olduğu üçün uzun müddət satışa çıxarılmayıb.

May ayında Highland (Şotlandiya) şəhərinin şurası öz hesabatında xaricdən olan fərdi alıcının “Sotheby's” hərrac evi ilə əlaqə saxlayıb və büstü almaq təklifi irəli sürdüyünü bildirib. O, 2,5 milyon funt sterlinqdən çox qiymət təklif edib. İctimai müzakirələrdən sonra şuranın komitə üzvləri onun satılmasını tövsiyə ediblər.

Qeyd etdiyimiz kmii, büst baha olduğundan əvvəllər satışa çıxarılmayıb. 2016-cı ildə Parisdəki Luvr muzeyinə, bir il sonra isə Los-Ancelesdəki Getti Muzeyinə icarəyə verilib.

Büstdə 18-ci əsrin əvvəllərində fransız heykəltəraş Edme Buşardon tərəfindən yaradılmış və torpaq sahibi və siyasətçi Con Qordon təsvir edilmişdir. İnverqordon şəhəri tərəfindən alınsa da, sonradan büst itib. 1998-ci ildə isə heykəlin açıq anbar qapısı üçün saxlayıcı kimi istifadə edildiyi aşkar edilib.

Aynil