ABŞ Müdafiə Nazirliyi (Pentaqon) Yaxın Şərqə əlavə hərbi qüvvələr, o cümlədən döyüş və uzaqmənzilli hücum bombardmançı təyyarələri yerləşdirəcəyini açıqlayıb. 

Sfera.az Türkiyə mediasına istinadən xəbər verir ki, bu haqda Pentaqonun sözçüsü, briqada generalı Patrik Rayder yazılı açıqlama verib. 

Bəyanatda ABŞ-nin bölgədəki qüvvələrini qorumaq, İsraili müdafiə etmək və üzərinə götürdüyü öhdəlikləri yerinə yetirmək üçün bölgəyə əlavə ballistik raket əleyhinə müdafiə sistemləri, qırıcı təyyarələri parkı və ABŞ Hərbi Hava Qüvvələrinə məxsus B-52 uzaqmənzilli hücum təyyarəsi yerləşdiriləcək. 

Açıqlamada bu qüvvələrin bölgəyə getməyə hazırlanan “USS Abraham Lincoln” təyyarədaşıyan gəmisi ilə gələn aydan etibarən göndəriləcəyi qeyd edilib. 

Xatırladaq ki, Pentaqon oktyabrın 13-də verdiyi yazılı açıqlamada THAAD batareya sistemi və onu işlədəcək 100-ə yaxın hərbçinin İran təhlükəsinə qarşı İsrailə göndəriləcəyini açıqlamışdı.

Vasif