Dünyanın ən bahalı şirkətləri sıralamasında ABŞ-nin “Nvidia” şirkəti “Apple”ni qabaqlayaraq ilk sıraya yerləşib.

Sfera.az “Reuters”ə istinadən xəbər verir ki, “Nvidia”nın qiymətinin yüksəlməsinə süni intellekt çiplərinə tələbin kəskin artması səbəb olub.

Hazırda “Nvidi”a səhmlərinin bazar dəyəri 3,53 trilyon dollara çatıb. “Apple”in dəyəri isə 3,52 trilyon dollardır.

Xatırladaq ki, bu ilin iyununda da “Nvidia” dünyanın ən bahalı şirkəti ünvanına sahib olmuşdu. Amma bir müddət sonra şirkət yerini “Apple” və “Microsoft”a vermişdi. “Microsoft”un bazar dəyəri hazırda 3,18 trilyon dollardır.

Hər üç ABŞ şirkətinin ümumi dəyəri isə 10,23 trilyon dollardır.

Vasif