Çindən olan əkiz bacılar Zhang Li və Cheng Kekenin çox qəribə həyat hekayələri var.

30 ildən sonra yenidən bir araya gəlsələr də, uğursuz biznes təşəbbüslərindən sonra ayrılıblar. Qadınlardan biri ilkin kapitalla birlikdə yoxa çıxıb.

Sfera.az bildirir ki, valideynlərin çətinlikləri səbəbindən doğuş zamanı ayrılan Zhang Li və Cheng Keke bir-birlərini illər sonra tapıblar. DNT testi onların münasibətlərini təsdiqlədikdən sonra bacılar qovuşsa da, uğursuz bir iş tezliklə onları yenidən ayırıb.

Əslən Çinin mərkəzi Henan əyalətindən olan əkizlər doğulandan sonra müxtəlif ailələrdə yaşayıblar. Uzun illər bir-birindən 50 km uzaqlıqda yaşayıblar.
 

Qeyd edək ki, Çinin kəndlərində bəzi yoxsul valideynlər daha yaxşı həyat ümidi ilə yeni doğulmuş körpələrini yad adamlara verirlər. Bu cür qeyri-rəsmi övladlığa götürmə rəsmi sənədlər olmadan qanunsuzdur.
 

2021-ci ilin mart ayında 30 yaşlı Zhang Li sosial mediada ona bənzəyən Cheng Keke adlı qadının videosuna rast gəlib. Söhbətdən sonra anlayıblar ki, onların təkcə ad günü deyil, həm də qan qrupu, maraqları və hətta moda zövqləri eynidir. Onlar əkiz bacı olduqlarını təsdiqləyən DNT testi üçün xəstəxanaya gediblər. O zaman onlar Henan əyalətinin müxtəlif yerlərində yaşayırdılar.


Onların emosional qovuşması Çində manşetlərə çevrilib. Böyük bacısı Zhang, Çenqi etdiyi səfərləri xatırlayıb.

Çenq uzun müddətdir ki, böyük bacısı olmaq arzusundan danışıb.

"Biz tanış olduqdan sonra demək olar ki, hər gün onunla qaldım. Sadəcə hər anımı bacımla keçirmək istəyirdim. Onunla bölüşmək istədiyim o qədər çox şey var idi ki” - deyə Cheng bildirib.
 

Daha sonra bacılar Douyində qida və həyat tərzi məhsulları satmaq üçün güclərini birləşdiriblər. Bu müddət ərzində onlar onlayn satışlar aparmaq üçün Henan və cənub Çinin müxtəlif şəhərlərinə səfər ediblər. Artan fanat bazasına baxmayaraq, biznes mübarizə aparır və zərərlə işləyirdi.


Cheng nəhayət əsəbiləşib və Zhangi tez-tez məmləkətinə dönərək biznesə etinasızlıq göstərməkdə günahlandırıb. Yol, kirayə və yemək üçün bütün xərcləri kiçik bacı ödəməli idi. Zhang isə aralarındakı münaqişəsini şəxsiyyət fərqləri ilə əlaqələndirib: "Mən danışıram, amma bacım hər şeyi susdurmağa meyllidir." O, həmçinin Chengi uğursuz təşəbbüslərinin əsas amili kimi göstərərək, birlikdə işləyərkən 500.000 yuandan çox itirdiyini bildirib.

Onlar fevralın əvvəlində Henanda restoran açaraq, yenidən başlamağa ümid etsələr də, idarəetmə və investisiya məsələlərində fikir ayrılıqları tamamilə ayrəlmalarına səbəb olub. Çenq daha sonra ümumi fondlardan 20.000 yuandan çox pul çıxarıb və Cheng ilə bütün əlaqəni kəsib. O, oğurluq iddialarını rədd edərək, öz payını götürdüyünü, maaş və kirayəni ödədikdən sonra qalan pulu investorlara qaytardığını iddia edib.

Aysel

Sfera.az