Avstraliyalı milyarder Riçard Uayt məşuqələri ilə bağlı qalmaqala görə qurduğu "WiseTech" texnologiya şirkətini tərk edib.
 

Sfera.az xəbər verir ki, bu barədə "The Guardian" yazıb.
 

Uayt bu qərarı şirkətin səhmləri qalmaqal fonunda dəyər itirdikdən və bir neçə həftə ərzində ucuzlaşmağa davam etdikdən sonra verib. Direktorlar şurası ilə razılaşaraq, o, vəzifəsini tərk edəcək, qısamüddətli məzuniyyət götürəcək və sonra şirkətə məsləhətçi kimi qayıdacaq.
 

Uaytın şəxsi problemləri ilk dəfə qeyri-adi iflas işi ilə bağlı ictimaiyyətə məlum olub. Məhkəmədə 52 yaşlı Linda Roqan bildirib ki, Uayt onun Bionik Wellness şirkətinə sərmayə qoyması müqabilində onunla cinsi əlaqədə olub. O, Uaytın ona işində kömək etməyi təklif etdiyini, ona 1 milyon dollar ödəyəcəyini vəd etdiyini iddia edərək sonra onu Nyu Yorka dəvət etdiyini və orada yaxınlaşdıqlarını bildirib. Daha sonra o, gizli şəkildə ona 13,1 milyon dollara Vaukluzada malikanə alıb.
 

Uaytın ortağı Zena Nasser onların münasibətlərindən xəbər tutduqdan sonra bu münasibət bitib. Bundan sonra Avstraliya mətbuatında Uayt ilə cinsi əlaqədə olduqlarını bildirən qadınlarla müsahibələr getməyə başlayıb. Qalmaqalı susdurmaq mümkün olmayıb.


İnci

Sfera.az