Dünyanın bir neçə tanınmış universitet və tədqiqat institutlarının astrofizikləri Günəşdə qeyri-adi hadisə aşkar ediblər. Araşdırmanın nəticələri “Nature Astronomy” jurnalında dərc olunub.

Sfera.az xəbər verir ki, alimlər tədqiqat zamanı NASA-nın IRIS (Interface Region Imaging Spectrograph) peykindən istifadə ediblər.

Tədqiqatlar göstərib ki, Günəş atmosferindəki partlayışlardan sonra yaranan nüvələr görünməmiş sürətlə hərəkət edir. IRIS peykinin çəkdiyi şəkillərlə alimlər müəyyən edib ki, Günəşdə baş verən partlayışlardan sonra yaranan maqnit sahələri müəyyən xətlər üzrə Günəşin ətrafında sürətlə dövr edir. Dövrə zamanı sahələrin mərkəzində nüvə formalaşır və həmin nüvə sürətlə Günəşin atmosferi ətrafında dövrə vurur.

Alimlər onu müəyyənləşdiriblər ki, baş verənlərə bənzər proseslər digər ulduzlarda da müşahidə olunur. Ancaq alimlər yalnız Günəşdə bu fenomeni çox təfərrüatlı şəkildə müşahidə edə bilirlər.

Vasif