Şimali Koreya qoşunları Rusiyanın Kursk bölgəsinə aparılıb.

Sfera.az bildirir ki, bu barədə Ukrayna Müdafiə Nazirliyinin (GUR) Kəşfiyyat Baş İdarəsi məlumat yayıb. İddialara görə, Şimali Koreyanın Rusiyada təlim keçən ilk hərbi hissələri Ukraynaya qarşı müharibəyə cəlb olunub.

“Şimali Koreyanın Şərqi Rusiyanın poliqonlarında təlim keçən ilk hərbi hissələri artıq Rusiya-Ukrayna müharibəsinin döyüş bölgəsinə çatıb. Əsgərlər konkret olaraq Rusiya Federasiyasının Kursk vilayətində 23 oktyabr 2024-cü ildə peyda olub”, - qurumun bəyanatında bildirilib.

Ukrayna kəşfiyyat rəsmilərinin məlumatına görə, Şimali Koreyadan Rusiyaya 500 zabit və üç general olmaqla təxminən 12 min əsgər göndərilib: “Əsgərlər döyüş sursatları, yataq dəstləri, qış geyimləri və ayaqqabılarla yanaşı, gigiyenik vasitələrlə də təmin olunublar”.

Günay