İspaniyada yaşayan 38 yaşlı qadın evdə saxladığı hamsterin hücumuna məruz qalaraq ölüb.

Sfera.az bildirir ki, adı açıqlanmayan qadın 11 və 17 yaşlı iki uşağı ilə İspaniyanın Villarreal şəhərində yaşayan Kolumbiya vətəndaşı olub.

Ev heyvanı olan gəmiricinin hücumuna məruz qaldıqdan sonra ana uşaqları ilə birlikdə təcili xəstəxanaya çatdırılsa da, tibb müəssisəsinin yaxınlığında yerə yıxılıb. Həkimlər onu reanimasiya etməyə çalışaraq köməyə tələssələr də, çox gec olub. O, binanın yaxınlığında yerə yıxılıb. Polis onun meyitini çıxarmaq üçün hadisə yerini mühasirəyə alıb.

Yerli məhkəmə qadının ölümünü araşdırır, lakin yarılma nəticələrinin ictimaiyyətə açıqlanacağı ehtimalı azdır.

Qeyd edək ki, quduzluq və bakterial infeksiyalar nadir hallarda yoluxmuş hamsterin dişləməsi ilə ötürülür. Dişlənmiş sahiblərə daha çox problem riskini azaltmaq üçün yaranı təmizləmək tövsiyə olunur. Ev heyvanı tərəfindən dişləndikdən sonra insanların nəfəs almaqda çətinlik çəkdiyi və ya allergik reaksiya göstərdiyi bəzi ciddi və bəzən ölümlə nəticələnən hallar olub.

Britaniya Hamster Assosiasiyasının keçmiş katibi daha əvvəl bildirmişdi ki, bu cür ölümcül hamster hücumları olduqca nadirdir.

"Mən 20 ildir hamster saxlayıram və ölkəmizdə belə bir şey eşitməmişdim. Bunun belə ağır nəticələrə gətirib çıxarması üçün insanın immun sistemi çox, çox zəifləməlidir. Hamsterlər adətən bir şəxsə təsir edə biləcək heç bir xəstəlik daşımırlar. Əslində, gəmiricinin sahibindən yoluxma ehtimalı daha yüksəkdir-deyə Vendi Barri bildirib.

Aynil