ABŞ-də KSHB-TV televiziyasının jurnalisti Rayan Qamboa reportaj çəkərkən yaralanıb.

Sfera.az xəbər verir ki, bu barədə “Kanzas Siti Star” məlumat yayıb.

Hadisə oktyabrın 22-də Missuri ştatı Senatına namizəd Lukas Kusun təşviqat kampaniyası zamanı baş verib. Bildirilib ki, siyasətçi evinin həyətindəki hədəflərə atəş açarkən güllələrdən biri reportajı lentə alan Qamboanın qolunu sıyırıb.

Jurnalistə yerindəcə tibbi yardım edilib və o işini davam etdirib.

Qeyd edək ki, son zamanlarda daha bir amerikalı jurnalist çəkiliş zamanı yaralanıb. CNN-nin müxbiri Anderson Kuper ABŞ-ni vuran Milton qasırğası zamanı canlı yayımda olarkən xəsarət alıb.

İnci