Delfinlər çox həssas canlılardır. Davranışlarına cinsi narazılıq kimi amillər təsir edə bilər. Bu, insanlar üçün təhlükəlidir. Yapon üzgüçü onu dişləyən delfindən möcüzəvi şəkildə xilas ola bilib. Delfin onu az qala suyun dibinə sürükləyib.


Sfera.az bildirir ki, Hind-Sakit okeanında şüşə burunlu erkək delfinlər bir-birlərini dişləyərək ünsiyyət qururlar. Cütləşmənin olmaması onları aqressiv edir.

Takuma Qoto Yaponiyadakı Tsuruqa adasının 10 metr kənarında dostu ilə üzgüçülük edərkən əsəbiləşmiş delfinlə qarşılaşıb.

Heyvan əvvəlcə köməyə tələsən dostunu, sonra isə üzgüçünün özünü hədəfə alıb.

23 yaşlı maliyyə işçisi: “Bilirdim ki, bu, köpəkbalığı deyil, amma delfin düz üstümə gəlirdi. Mənə hücum edərək məni dişlədi" - deyə bildirib.


"Delfin mənə hücum etməyə davam etdi və bir anda öləcəyimi düşündüm, ən çox məni daha da dənizin dibinə sürükləyəcəyindən narahat idim" - deyə Goto bildirib.
 

Hər iki şəxs çimərlikdə dəhşətə gələn izləyicilər və sörfçü tərəfindən xilas edilib.
 

Takumanın şəhadət barmağına beş tikiş atılıb, həmçinin hər iki qolunda və çiyinlərində yaralar olduğu müəyyən edilib.
 

Qeyd edək ki, delfinlərin insanlara hücumu nadir hallarda baş verir, çünki onlar onları yırtıcı hesab edilmir..


Ekspert Dr Simon Allen, onların çox sosial heyvanlar olduqlarını və bunu çox fiziki şəkildə ifadə etdiklərini deyir:
 

"Eynən insanlarda və digər sosial heyvanlarda olduğu kimi, hormonal dalğalanmalar, cinsi məyusluq və ya hökmranlıq etmək istəyi delfinin ünsiyyətdə olduğu insanlara zərər vurmasına səbəb ola bilər".
 

Alim delfinlərin yaraşıqlı, zərərsiz canlılar olmadığı barədə xəbərdarlıq edib. Onlar güclü heyvanlardır və hətta oynayarkən insanlara ciddi xəsarətlər yetirə bilərlər.

Aynil