Moskva ABŞ-ın Rusiya hərbçilərini Ukraynada kimyəvi, bioloji və ya nüvə silahlarından istifadə etməkdə ittiham etmək üçün təxribatlar hazırladığını bəyan edib.
"Rusiya Müdafiə Nazirliyinə ABŞ-ın təxribatlar hazırladığı barədə məlumat verilib. Rusiya silahlı qüvvələrini kimyəvi, bioloji və ya taktiki nüvə silahlarından istifadə etməkdə ittiham ediləcək. Bu plan Rusiyanın Ukraynadakı hərbi əməliyyatında əldə etdiyi uğurlara cavabdır. Qərb ölkələrinin liderləri bu ilin mart və aprel aylarında Rusiyanın kütləvi qırğın silahlarından istifadə təhlükəsi ilə bağlı mütəmadi olaraq təxribat xarakterli bəyanatlar veriblər. Biz sizin diqqətinizi ona yönəldirik ki, Birləşmiş Ştatlar öz siyasi məqsədlərinə çatmaq üçün bu cür layihələri bir neçə dəfə həyata keçirib”,- komandir bildirib.

Konaşenkov əlavə edib ki, ötən gecə 15 pilotsuz uçuş aparatı, o cümlədən Bayraktar TB-2 məhv edilib.

Qeyd edək ki, fevralın 24-də başlayan Ukrayna-Rusiya müharibəsi üçüncü ayına qədəm qoyur.

Əzizə Zeynal