"Rusiya martın əvvəlindən Azərbaycan və Ermənistan arasında atəşkəsin pozulmasını müşahidə edir”.
Sfera.az "Sputnik Ermənistan”a istinadən xəbər verir ki, bunu Rusiya XİN-in sözçüsü Mariya Zaxarova deyib.
"Biz bu regionda və Azərbaycan-Ermənistan sərhədinin ayrı-ayrı hissələrində vəziyyətdən narahatıq. Martın əvvəlindən atəşkəs rejiminin müntəzəm olaraq pozulmasını müşahidə edirik. Rusiyanın sülhməramlı kontingenti məsuliyyət zonalarında sabitliyin təmin olunması və vəziyyətə nəzarət üçün müvafiq tədbirlər görürlər və bu səylər sayəsində martın 13-dən etibarən silahlı insidentlər qeydə alınmır”, - deyə Zaxarova qeyd edib.