Sumqayıtda dələduzluq edən şəxs saxlanılıb.

Bu barədə Sfera.az-a DİN-in Mətbuat Xidmətindən məlumat verilib.

Bildirilib ki, polis bölməsinə bir nəfərin dələduzluq edərək vətəndaşın 4045 manatının alınması barədə məlumat daxil olub.

Keçirilən əməliyyat tədbirləri nəticəsində dələduzluq əməlini törətməkdə şübhəli bilinən, əvvəllər dəfələrlə məhkum olunmuş S.Ağayev müəyyən olunaraq saxlanılıb.

Faktla bağlı araşdırma aparılır.