"Azərlotereya” ASC tərəfindən təşkil olunan ani lotereyalar böyük uduşları ilə sevindirməyə davam edir.
 
"40 000 000 Pul Yağışı” ani lotereyası satışa çıxarıldığı mart ayından etibarən lotereya həvəskarlarının böyük marağına səbəb olub. Lotereyada ard-arda bir neçə uduş öz şanslı qaliblərinə qismət olub.
 
Azərbaycanda ani lotereya oyunları tarixində ən böyük uduş - 200.000 manat qazanıldı. 200.000 manat məbləğində böyük uduş Ağdaş rayonu sakini tərəfindən udulub. "40 000 000 Pul Yağışı” ani lotereyasında bu yeğanə uduş olmayıb. Hər biri 10.000 manat dəyərində olan 6 uduş isə Bakı, Xırdalan, Cəlilabad, Lənkəran və Xaçmazda qazanılıb.
 
Lotereyaların təşkilində şəffaflıq və uduş fondlarına gəldikdə isə qeyd edək ki, "Azərlotereya”nın təşkil etdiyi ani lotereyalar dünyanın aparıcı şans oyunları şirkəti olan "Scientific Games” ilə əməkdaşlıq çərçivəsində hazırlanır. Hər bir ani lotereya biletinin arxasında bilet və uduşların sayı aydın şəkildə yazılır. Lotereya oyunlarında uduşları qazananların adı və soyadları yalnız uduş qazanan şəxslərin icazəsi ilə mümkündür.